Mëngjesin e së mërkurës një shtëpie të pabanueshme në lagjen “Dodona” në Prishtinë i është vënë flaka për të katërtën herë. Kryetari i Sindikatës së Zjarrfikësve, Muharrem Beka tha që komuna nuk mund të intervenojë pasi është pronë private.
Mëngjesi i së mërkurës e gjeti përsëri lagjen “Dodona” në Prishtinë në tym.
Meqë, një shtëpie të pa banuar për të katërtën herë po i vihet flaka.
Zjarrfikësit ishin të shpejtë edhe kësaj radhe që të shuajnë zjarrin.
Por këta thanë që kanë një problem kur intervenojnë në këtë pronë.
“Ajo që është e dëmshme është se fqinjëve u shkakton problem mandej telashe edhe për zjarrfikësit me ardh sepse mund të ndodh që edhe të përhapet edhe pse ajo shtëpia nuk është shumë afër”, tha kryetari i Sindikatës së Zjarrfikësve, Muharrem Beka.
E një banor tregon që në atë shtëpi gjatë natës hedhen vazhdimisht mbeturina.
“Askush nuk vjen vetëm mbeturinat që po i hedhin kështu natën. Ai komshiu që e ka afër shtëpinë bërtiste sepse mundet me iu kall shtëpia e tij”, tha qytetari Zenel Sopjani.
Përveç që hedhin mbeturinave, kjo shtëpi përdoret nga qytetarët edhe për nevoja tjera.
Televizioni ka tentuar të marrë informacione për këtë rast edhe nga Policia e Kosovës, por të njëjtit nuk kanë kthyer përgjigje.
