Ambasadori amerikan, Jeff Hovenier, ka kërkuar nga Këshilli Prokurorial i Kosovës proces të drejtë dhe gjithëpërfshirës në konkursin e hapur për kryeprokuror të prokurorive themelore të Kosovës.
Hovenier ka thënë se besimi i qytetarëve në sistemin e prokurorisë dhe kandidatët e përzgjedhur varet nga administrimi i proceseve prej KPK-së.
“Këshilli Prokurorial i Kosovës ka hapur të hënën konkurset për pesë pozita të Kryeprokurorit. SHBA i bën jehonë thirrjes së BE-së për një proces përzgjedhjeje të drejtë, të hapur dhe gjithëpërfshirëse që vlerëson meritat dhe përfaqësimin gjinor. Besimi i publikut tek sistemi i prokurorisë dhe tek kandidatët e përzgjedhur varet shumë nga besueshmëria e proceseve të administruara nga KPK”, ka thënë Hovenier.
Të hënën Këshilli Prokurorial i Kosovës ka hapur konkurs për emërimin e kryeprokurorëve të prokurorive themelore të Kosovës./teve1.info/
On Monday, the Kosovo Prosecutorial Council opened vacancies for five Chief Prosecutor positions. The U.S. echoes the EU’s call for a fair, open, and inclusive selection process that values merit and gender representation. Public trust in the prosecution system and in the…
— Ambassador Jeff Hovenier (@USAmbKosovo) October 23, 2024
