Prokuroria Speciale e Republikës së Kosovës, ka ngritur aktakuzë, kundër 16 të pandehurve për krim të organizuar.
Sipas aktakuzës të pandehurit: I S.K, I.K, P.K, A. D, D.K, B.K, A.S, V.T, A.G, H. Xh, M. K, D.K, akuzohen se kanë kryer veprën penale: Organizimi i skemave piramidale dhe bixhozit të paligjshëm.
“Të pandehurit S. K dhe L. B akuzohen për kryerjen e veprës penale: Fajdeja në tentativë, në bashkëkryerje. I pandehuri L.B. akuzohet edhe për kryerjen e veprave penale: Detyrim dhe Mbajtja në pronësi, kontroll ose posedim të pa autorizuar të armëve. Gjithashtu, të pandehurit S.K. , E.G. dhe S.G. V. H. dhe L. K. akuzohen se kanë kryer veprën penale: Shpëlarja e parave. Ndërkaq, i pandehuri B.K. akuzohet se ka kryer edhe veprën penale: Mbajtja në pronësi, kontroll ose posedim të pa autorizuar të armëve”, thuhet në komunikatën e Prokurorisë.
Prokuroria në këtë rast ka njoftuar se janë konfiskuar: Pajisje elektronike, Para të gatshme dhe para në llogaritë bankare ,Tokë me sipërfaqe prej 1285 m2, Shtëpi me sipërfaqe prej 306 m2, si dhe 6 banesa./teve1.info/
