Xherdan Shaqiri u kthye te Baseli në verë, pasi kishte luajtur përkrah shumë yjeve të futbollit, me të cilët ka fituar shumë trofe.
Shaqiri që ka karrierë të madhe si futbollist, ka fituar trofe në Zvicër, Gjermani e Angli, me Baselin, Bayern Munichun e Liverpoolin.
Bundesligën e Premier Leaguen e ka të fituar nga një herë, ndërsa dy herë ka triumfuar në Ligën e Kampionëve.
33-vjeçari tani është pjesë e Baselit dhe synon të vazhdojë sukseset.
Shaqiri u pensionua nga Kombëtarja e Zvicrës muaj më parë, ndërsa është njëri prej lojtarëve me më së shumti paraqitje për helvetikët, me 125 ndeshje gjithsej.
Ai ndërpreu kontratën me skuadrën Chicago Fire të ligës MLS në Shtetet e Bashkuara të Amerikës, ndonëse ishte prej më të paguarve në gjithë ligën.
“Është e veçantë kur klubi i fëmijërisë troket në derë. Doja të kthehesha në qytetin tim. Synimi është ta kthejmë skuadrën në majë të futbollit zviceran”, ka thënë Shaqa në një intervistë dhënë për emisionin “Heimspiel”.
Që kur u kthye te Baseli, pritshmëritë ishin të mëdha, por ai ende nuk ka bindur shumë me paraqitje. Por Shaqiri e bën të qartë se i duhet edhe pak kohë.
