Dogana e Kosovës ka njoftuar se ka ndaluar një sasi të padeklaruar prej 1 kg ari me pastërti prej 14 karatësh.
Në njoftim është bërë e ditur se gjatë kontrollit të udhëtarëve, imazhet e skenerëve kanë treguar indikacione për mallra të padeklaruara brenda një çante, ku pas hapjes së çantës janë zbuluar mallrat e fshehura, raporton teve1.info
Dogana e Kosovës, u konstatua se vlera reale e arit të ndaluar është 59,294.12 €
“Gjatë kontrollit të udhëtarëve, imazhet e skenerëve treguan indikacione për mallra të padeklaruara brenda një çante. Pas hapjes së çantës, u zbuluan mallrat e fshehura së bashku me dokumentacionin përkatës që shoqëronte mallrat. Pas një vlerësimi të hollësishëm nga Dogana e Kosovës, u konstatua se vlera reale e arit të ndaluar është 59,294.12 €. Rasti është duke u trajtuar në bashkëpunim të ngushtë me Sektorin e Hetimeve të Doganës së Kosovës dhe Prokurorin e Shtetit, për të analizuar të gjitha detajet dhe për të ndërmarrë veprimet e duhura ligjore ndaj individëve përgjegjës” – thuhet në njoftimin e Doganës së Kosovës.
