Deputeti i Aleancës për Ardhmërinë e Kosovës (AAK), Besnik Tahiri, ka shprehur bindjen se me 28 nëntor sheshet do të mbushen me veteranë pasi sipas tij nuk kanë më durim ndaj qeverisë aktuale të Kosovës.
Ai ka thënë se për veteranët nuk është aspak e lehtë që gjashtë vjet pas formimit të ushtri të dëgjojnë në Kuvendin e Kosovës një diskutim të tillë për ushqimin.
“Unë jam i bindur që kjo situatë nuk do të shkojë kështu. Shpejt vjen 28 nëntori, që është 27-vjetori i daljes publike të UÇK-së. Do të mbushen sheshesh me veteranë, sepse nuk do të munden më të iu durojnë. Nuk ka gjë më të vështirë për një familje që e ka varrin pak më andej, e një veteran që mezi e lidh muajin me muaj, e me një të burgosur politik që është kalbur në burgjet e Serbisë, të dëgjojë në Kuvendin e Kosovës gjashtë vjet pas formimit të ushtrimit, se a ka apo s’ka ushqim”, ka thënë Tahiri
Në Kuvendin e Kosovës po mbahet seancë e jashtëzakonshme ku po diskutohet problemi i furnizimit me ushqim për Forcën e Sigurisë së Kosovës.
