Policia në Ferizaj ka gjobitur dy shoferë, të dy të moshës 22-vjeçare, për tejkalim të shpejtësisë
Në rastin e parë është gjobitur me 300 euro një shofere e cila në zonën 60 km/h ka vozituar me shpejtësi 149 km/h, ndërsa në rastin e dytë 22 vjeçari zhvilloi shpejtësi 135 km/h në zonën 60 km/h, e që edhe ndaj tij është shqiptuar gjoba e njëjtë
Krahas gjobës, atyre i janë shqiptuar edhe nga tri pikë negative dhe u është marrë leja për tre muaj.
Njoftimi i plotë:
Gjobë ndaj dy shoferëve që tejkaluan shpejtësinë në Ferizaj
Ferizaj, 13/10/2024
Policia e Komunikacionit Rrugor me datën 12.10.2024 rreth orës 00:30 në rrugën transitore në mes të fshatrave Varosh-Gërlicë të Ferizajt, ka ndaluar dy shoferët: B.M (F/K), e moshës 22 vjeçare, e cila zhvilloi shpejtësi 149 km/h në zonën e kufizimit 60 km/h dhe A.S (M/K) i moshës 22 vjeçar, i cili zhvilloi shpejtësi 135, në zonën e kufizimit 60 km/h.
Ndaj tyre policia u shqiptoi nga një gjobë kundërvajtëse prej treqind (300) euro, 3 pikë negative dhe masë mbrojtëse prej tre (3) muajve.
Policia Rajonale e Ferizajt do të vazhdojë me aktivitete të shtuara,me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes, të respektojnë shenjat e trafikut
Ndërsa, ftojmë qytetarët që të bashkëpunojnë më policinë.
Për të gjitha kundërvajtjet që shkaktohen në komunikacion, të njoftojnë menjëherë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.
