Në mungesë kuorumi partitë opozitare të premten në seancën e jashtëzakonshme nuk arritën të votojnë kërkesën e tyre për shkarkimin dhe hetimin ndaj kryetares së grupit parlamentar të Vetëvendosjes, Mimoza Kusari-Lila për bisedën e saj me kryeterorristin, Millan Radojiciq. Kryetarët e grupeve parlamentare, PDK, LDK dhe AAK para propozimit të rezolutës, akuzuan Kusari-Lilën se në koordinim me Radojiciq kanë marrë vendime në Kuvendin e Kosovës.
Në mungesë kuorumi, Partia Demokratike e Kosovës nuk arriti të qojë përpara rezolutën për shkarkim dhe hetim ndaj Mimoza Kusari-Lila.
Në seancën e jashtëzakonshme të thirrur nga shefi i grupit parlamentar të PDK-së, Abelard Tahiri, deputetët e qeverisë në pushtet Vetëvendosje bojkotoi këtë seancë.
E të pranishëm ishin dy depotët e larguar nga VV tashmë të pavarur, Eman Rrahmani e Visar Korenica.
Thirrësi i kësaj seance, Abelard Tahiri kërkoi hetim nga prokuroria për bisedën Kusari –Lila dhe Radojiçiq deri sa akuzoi këtë të fundit.
“A e dini çfarë është tragjike, tragjike është kur kandidati na vjen nga një njeri me aktivitet të rëndë kriminal, nga një njeri i cili vjen nga BIA serbe, nga inteligjenca serbe, dhe e ka komplet mbështetjen e shtetit të Serbisë. Shtetit serb i kërkon Macroni me arrestu Radojiçiqin, i kërkon Scholzi me arrestua Radojiçiqin i kërkon Christopher Hill me arrestua dhe ai është i lirë”, ka thënë Tahiri.
Ngjashëm reagoi edhe deputeti i LDK-së, Anton Quni.
“Nuk mund ta imagjinoj, se si një deputet te varri i heroit Afrim Bunjaku, në prani të familjes përkulet, vendos lule e përlotet , ngushëllon familjarët e kolegët duke e ditur se ai është i vrarë nga njeriu me të cilin ti kohë më parë ke bërë marrëveshje të fshehtë nga terroristi Millan Radojiciq”, deklaroi Quni.
Kryetari i AAK-së, Ramush Haradinaj, iu përgjigj akuzave të Mimoza Kusari-Lila për publikimin e disa fotografive të ish udhëheqësve të shtetit me Millan Radojiciq.
“Kryeministri i at’hereshëm Ramush Haradinaj, kryetari i tanishëm i AAK-së, Ramush Haradinaj, nuk ka asnjë komunikim me Millan Radojiciq. Dhe kush e ka çfarëdo të dhëne të këtij komunikimi e lus qitne sot e ku të doni. 04:13 Marrëveshjen Lista Serbe – Vetëvendosje për me i largua veteranët kategoritë e lirisë mos me u përfshi në pagën minimale e ka bërë Albin Kurti me Radojiçiqin”, ka Haradinaj.
Deputeti i pavarur, Haki Abazi tha se të premten në seancë përveç VV-së mungoi edhe një parti tjetër.
“Unë kam qenë pjesë e këtij grupi parlamentar që nuk ekziston e fatkeqësisht janë dy grupe parlamentare që nuk janë prezentë, Lista Serbe edhe Lëvizja Vetëvendosje, nuk është vetëm simbolik kjo punë”, deklaroi Abazi.
Deputeti nga PDK-ja, lëshoi audio-incizimin e Mimoza Kusari – Lila.
Seanca u mbyll pa miratimin e rezolutës, pasi që nuk pati kuorum.
