Selektori i Kombëtares së Shqipërisë, Sylvinho ka bërë një tjetër ndryshim në listën e lojtarëve të ftuar për dy ndeshjet e këtij muaji në Ligën e Kombeve.
FSHF-ja, ka njoftuar të mërkurën se sulmuesi Indrit Tuci është ftuar nga Sylvinho për ta zëvendësuar Myrto Uzunin.
Uzuni ishte grumbulluar me Shqipërinë por shkaku i një problemi muskulor të pësuar në ndeshjen e fundit me klubin e tij, nuk do të mund ta ndihmoj kombëtaren shqiptare.
Rezonanca magenike ka konfirmuar lëndimin e Uzunit, i cili nuk do të jetë në dispozicion për ndeshjet me Çekinë dhe Gjeorgjinë.
Kështu që, Uzunin te Shqipëria do ta zëvendësoj Indrit Tuci, i cili menjëherë i është bashkuar kombëtares në stërvitje.
Shqipëria, të premten luan me Çekinë kurse tri ditë më vonë përballet edhe me Gjeorgjinë, ndeshje këto që i luan në udhëtim dhe i takojnë Grupit B1 të Ligës B.