Një grua është plagosur me armë zjarri mesditën e së premtes në rrugën “Mukadeze Lika” në Prishtinë.
Kështu ka bërë të ditur për tëvë1.info, zëdhënësja e Policisë për rajonin e Prishtinës, Flora Ahmeti.
Ahmeti, ka thënë se viktima është dërguar për tretman mjekësor, ndërsa rasti është duke u hetuar nga hetuesit policor.
“Sot rreth orës 12:20, kemi marrë informatën për një plagosje me armë zjarri të ndodhur në rrugën “Mukadeze Lika” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nga arma e zjarrit është lënduar një person. E lënduara është dërguar për tretman mjekësor, ndërkohë që hetuesit policor në koordinim me PK-në po merren me rastin”, tha Ahmeti./teve1.info/
