Deputeti i Aleancës për Ardhmërinë e Kosovës, BesnikTahiri ka thënë se mos ekzekutimi i pagave nga qeveria është një shkelje flagrante e të drejtave të punëtorëve.
Sipas tij, kjo është edhe një dështim total i institucioneve, shkruan teve1.info
Përmes një postimi në Facebook, ai ka publikuar Ligjin e Pagave ku thotë se pagat duhet t’u dalin punëtorëve më së voni ditën e fundit të muajit.
“Mos ekzekutimi i pagave nga qeveria është një shkelje flagrante e të drejtave të punëtorëve dhe një dështim total i institucioneve. Neni 7, paragrafi 4, i Ligjit për Pagat thotë qartë se, pagat duhet t’u dalin punëtorëve më së voni ditën e fundit të muajit. Kjo do të thotë se sonte deri në orën 24:00, nëse nuk realizohen, Qeveria është në shkelje të rëndë ligjore. Në fakt, shkelja ka ndodhur që nga ora 16:00, kur përfundon orari zyrtar i punës.” – ka shkruar Tahiri në Facebook.
