Këtë e ka bërë të ditur ministrja e Drejtësisë, Albulena Haxhiu.
“Pas përmbylljes së projektit ne do të vazhdojmë pastaj me bashkëpunimin tjetër për draftin e kodit të procedurës civile. Mirëpo më lejoni t’ju njoftoj që ne si Ministri e Drejtësisë planifikojmë që shumë shpejtë, pa vonesa, draftin e Kodit Civil, që është një dokument shumë i rëndësishëm për Republikën e Kosovës, ta procedojmë në Kuvendin e Republikës së Kosovës”, ka thënë Haxhiu. ju falëminderit për në konferencën e përbashkët me Ambasadorin e BE-së, Szunyog, me rastin e përfundimit të Projektit për mbështetjen e Kodit Civil.
Ajo ka thënë se drafti është në linjë me standardet evropianë derisa ka shtuar që i njëjtë duhet të miratohet.
Në mars të këtij viti, Kuvendi i Kosovës ka dështuar të miratojë në parim Kodin Civil, dokument ky i cili nuk e ka marrë përkrahjen as të deputetëve të pozitës. Kundërshtimet dhe debati është zhvilluar për shkak të mospajtimeve për një pjesë të këtij kodi që synon të rregullojë martesat e personave të gjinisë së njëjtë.
Edhe shefi i BE-së ka bërë thirrje që ky Kod të miratohet.
