Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin dhe si një përpjekje për të kontribuar në mbrojtje të mjedisit.
Historia e ditës pa makina shkon prapa në vitet 1970, kur u organizuan disa ngjarje gjatë krizës së naftës. Megjithatë, ato nuk u organizuan në një datë specifike, por më shumë në baza joformale.
Në vitin 1994, Eric Britton, një profesor i Zhvillimit të Qëndrueshëm pranë Institutit Superieur de Gestion në Paris mbajti një fjalim kryesor për rëndësinë e projekteve dhe ngjarjeve të tilla.
Brenda dy vjetësh u organizuan ngjarje në Britani, Islandë dhe Francë. Në vitin 1999 u organizua dita pa makina në Evropë, ndërsa në vitin 2000 u ra dakord që Dita Ndërkombëtare pa makina të festohej çdo vit më 22 shtator./kp
