Kryetari i Aleancës për Ardhmërinë e Kosovës (AAK), Ramush Haradinaj, ka thënës Kosova duhet t’i kthehet kursit të saj drejt integrimit euroatlantik.
Sipas tij, ky rrugëtim duhet të kulmojë me anëtarësim në NATO dhe BE.
Këto ai i ka thënë të enjten gjatë takimit që ka zhvilluar me ambasadorin e BE-së në Kosovë, Aivo Orav.
“Sot, mirëprita në takim njoftues Ambasadorin e BE-së në Kosovë, z. Aivo Orav. Ambasadorit i urova mirëseardhje në vendin tonë, si dhe shpreha nevojën për avancimin e vendit tonë drejt integrimit në BE. Si Aleancë, konfirmova angazhimin tonë në agjendën integruese dhe përkrahjen e reformave të nevojshme që vendi ynë duhet t’i shtyej përpara. Theksova se, Kosova duhet t’i kthehet kursit të saj drejt integrimit euro-atlantik. Ky rrugëtim duhet të kulmojë me anëtarësim në NATO dhe BE”, ka shkruar Haradinaj në Facebook./teve1.info/
