Futbollisti i Kombëtares së Kosovës, Elbasan Rashani është larguar nga Franca për ta vazhduar karrierën në Spanjë.
Rashani, të mërkurën është prezantuar tek Elche, ekip që bën gara në kategorinë e dytë të Spanjës.
Ai Elches i është bashkuar nga Clermonti, ndërsa detajet e marrëveshjes nuk janë bërë të ditura.
31-vjeçari kishte kontratë me Clermontin deri në vitin e ardhshëm, por u largua pas katër sezonesh te kjo skuadër për shkak se nuk bënte pjesë në planet e trajnerit.
Në prezantimin e tij tek Elche, Rashani ka thënë se është i lumtur që do të jetë pjesë e kësaj skuadre, me të cilën ka stërvitur dy javët e fundit.
Ai ka insistuar se do ta ndihmoj ekipin në arritjen e synimeve, qoftë duke u inkuadruar nga banka e rezervistëve apo si titullar.
Te skuadra e Elches, Rashani do ta bartë fanellën me numrin 11-të, ndërsa tashmë ka luajtur 10-të minuta në kategorinë e dytë spanjolle.
Me vetëm një fitore në katër xhiro të luajtura deri më tani, Elche është i 19-ti në tabelë me 3 pikë, ndërsa këtë vikend luan në udhëtim te Granada.
