Kryeministri i Kosovës në mbledhjen e Qeverisë ka folur edhe për kufijtë të cilët kanë qenë të mbyllur javën e kaluar.
E në protestën e mbajtur nga qytetarët serb, Kurti tha se grupe të masakruara në sy të policisë serbe bënin rolin e policit kufitar duke ndaluar veturat dhe legjitimuar qytetarët për të kuptuar etnitetin e tyre.
Tutje, Kurti ka falënderuar zyrtarët policorë dhe agjentët për punën e tyre.
“Se kush është për mbyllje e pamë javën e kaluar. Grupe të maskuara në sy të policisë serbe bënin rolin e policit kufitar duke ndaluar veturat dhe legjitimuar qytetarët për të kuptuar etnitetin e tyre. Institucionet tona, Policia dhe inteligjenca kanë punuar që qëllimi i këtyre grupeve të dështojë siç edhe ndodhi. Ka edhe shumë punë që po bëhen që nuk dihen e nuk diskutohen në publik. Dua të falënderoj zyrtarët policorë dhe agjentët tanë që u mundësojnë qytetarëve të shohin dhe jetojnë vetëm rezultate pozitive, përkundër planeve të këqija që synohen e nuk realizohen dhe nuk merren vesh asnjëherë”, ka përfunduar Kurti.
Ndryshe, Kurti ka thënë se në komunat veriore janë duke u bërë investime që nuk janë bërë tash e dy dekada e sipas tij po shtohen shërbimet që u kanë munguar qytetarëve.
“Vizitat tona, të zyrtarëve shtetërorë në këto komuna nuk janë kundër askujt, ato janë të domosdoshme për t’i kuptuar nevojat që kanë qytetarët. Për t’i flakur paragjykimet e ndërsjella dhe për të kuptuar sa anash janë lënë qytetarët atje, ne po bëjmë këto vizita pune. Atje po bëhen investime që nuk janë bërë qe dy dekada, po shtohen shërbimet që i kanë munguar qytetarëve”, ka thënë ai.
Gjatë javës së kaluar me kërkesë të serbëve, janë mbyllur pikat kufitare me Kosovën, pasi që autoritetet e vendit mbyllën strukturat paralele në veri./teve1.info/
