Kombëtarja e Shqipërisë ka regjistruar humbjen e parë në kampanjën e re të Ligës së Kombeve.
Pas fitores 2:1 javën e shkuar në Hungari ndaj Ukrainës, Shqipëria në xhiron e dytë të Grupit B1 të Ligës B të Ligës së Kombeve pësoi nga Gjeorgjia.
Të martën mbrëma, Shqipëria u mposht me rezultatin minimal 1:0 nga Gjeorgjia në stadiumin “Air Albania” në Tiranë.
Golin e vetëm në këtë përballje e realizoi Giorgi Kochorashvili, i cili shënoi gol të bukur prej rreth 20 metrave në minutën e 71-të.
Gjeorgjia ka mundur lehtë ta realizoj edhe golin e dytë pas një kundërsulmi të shpejtë, por gjuajtjen e Zuriko Davitashvili në minutën e 88-të e priti portieri Thomas Strakosha.
Po ashtu, Strakosha inteventoi edhe në gjuajtjen e Giorgi Chakvetadzes në minutën e 90-të.
Për Gjeorgjinë, kjo është fitorja e dytë rresht dhe me 6 pikë të mbledhura i prinë grupit kurse Shqipëria ka tri pikë më pak.
Muajin e ardhshëm, Shqipëria zhvillon dy ndeshjet e radhës në kuadër të Ligës së Kombeve dhe të dyja i luan në udhëtim.
Më 11 tetor, Shqipëria përballet me Çekinë kurse tri ditë më vonë luan kundër Gjeorgjisë.
