Ambasadori Aivo Orav, diplomat estonez në nivel kombëtar dhe në atë të BE-së, e mori sot detyrën si Shef i Zyrës së BE-së në Kosovë/Përfaqësues Special i Bashkimit Evropian në Kosovë.
Përmes një postimi në rrjetin social “X”, Orav ka thënë se mezi pret të punojë ngushtë me partnerët ndërkombëtar dhe vendas, teksa më poshtë ka listuar synimet e tij.
“Dita e parë në zyrën time të re si Ambasadore e BE-së në Kosovë. Mezi pres të punoj ngushtë me partnerët tanë vendas dhe ndërkombëtarë për: Avancimin e marrëdhënieve tona politike dhe ekonomik, mbështetjen e reformave, Kosovën më afër BE-së dhe ta njoh Kosovën dhe popullin e saj”, thuhet në postimin e Orav.
Ambasadori Orav, më parë ka shërbyer si Përfaqësues i Përhershëm i Estonisë në BE dhe si shef i delegacioneve të BE-së në Mal të Zi dhe në Maqedoni të Veriut, vjen pas diplomatit çek, ambasadorit Tomáš Szunyog.
1st day at my new office as EU Ambassador in #Kosovo!
I look forward to working closely with our local & international partners to:
➡️Advance our political &economic relations
➡️Support reforms
➡️Bring Kosovo closer to the EU
➡️Get to know 🇽🇰& its people
Here’s to new beginnings! pic.twitter.com/j8OCeOJQ8N— Aivo Orav (@AivoOrav) September 2, 2024
