Në vitet e fundit, shqiptarëve që jetonin në veriun e vendit, kanë filluar t’u rikthehen pronat e tyre. Nga Agjencia Kosovare për Krahasim dhe Verifikim të Pronës, kanë bërë të ditur se 17 pronarëve të ligjshëm iu rikthyen pronat, ndërsa 34 të tjera janë në fazën fillestare, ku uzurpatorëve u janë dërguar njoftimet. Nga kjo agjenci kanë shpjeguar edhe hapat që marrin deri të lirimi i një prone të uzurpuar.
Materiali ka arritur me kohë.
Edhe rinovimet kanë filluar.
Janë punimet që pronarët shqiptarë po i bëjnë në pronën e tyre pas 25 vitesh.
E gjitha kjo në sheshin “Car Lazari” në Mitrovicën e Veriut.
Nga Agjencia Kosovare për Krahasim dhe Verifikim të Pronës, për Tëvë1, kanë bërë të ditur se gjatë fazës së parë, i shpërndanë 27 njoftime për lirimin e pronave të uzurpuara në komunat veriore.
E nga to, deri më tani plot 17 prona iu kthyen pronarëve të vërtetë.
“Për të shmangur masat e detyrueshme ligjore për lirimin e pronave nga shfrytëzuesit e paligjshëm, AKKVP ka bërë përpjekje të vazhdueshme duke komunikuar dhe bashkëpunuar me qytetarët dhe të gjitha palët e përfshira në proces. Si rezultat, 17 raste janë zgjidhur gjatë kësaj periudhe. Pas verifikimit dhe konstatimit nga ana e AKKVP-së për lirimin e tyre, këto prona u janë kthyer pronarëve të ligjshëm”, thuhet nga AKKVP.
Nga kjo agjenci thonë se kanë shpërndarë edhe 24 njoftime të tjera për lirimin e pronave, raste këto në fazën fillestare.
Por cilat janë hapat që Agjencia Kosovare për Krahasim dhe Verifikim të Pronës, merr deri tek lirimi i një prone të uzurpuar?
“Roli dhe angazhimi maksimal i AKKVP-së në lirimin e pronave përfshin një sërë aktivitetesh dhe procedurash, duke filluar nga njoftimi i shfrytëzuesve të paligjshëm deri te lirimi i pronave, qoftë në mënyrë vullnetarë, apo përmes mjeteve ligjore të ndërmarra nga AKKVP. Prandaj, është e rëndësishme të theksohet roli dhe puna e Agjencisë Kosovare për Krahasim dhe Verifikim të Pronës në mbrojtjen e të drejtave pronësore të qytetarëve në të gjithë territorin e Republikës së Kosovës dhe në kthimin e pronave tek pronarët e ligjshëm, në përputhje me mandatin e saj ligjor”, thuhet nga AKKVP.
E profesori universitar, Nexhmedin Spahiu, thotë se pronarët e këtyre pronave jetuan me qira që nga përfundimi i luftës në Kosovë.
“45 Kanë qenë të uzurpuara, të demoluar dhe pronarët e këtyre pronave duke banuar me qira në jug të qytetit janë rraskapitur ekonomikisht dhe nuk kanë mundësi që ato më i rinovuar dhe akoma banesat kanë ngelur të zbrazura dhe të demoluar”, tha Spahiu.
Ndërkohë nga Agjencia Kosovare e Privatizimit kanë bërë të ditur se AKP menaxhon vetëm me prona të Ndërmarrjeve shoqërore dhe nuk zhvillon asnjë proces të kthimit të pronave. /teve1.info/
