Gjykimi ndaj ish-krerëve të UÇK-së do të vazhdojë edhe sot, në Dhomat e Specializuara të Kosovës.
Dëshminë e tij, të cilën e filloi të martën, do ta vazhdojë dëshmitari i 81-të i Zyrës së Prokurorit të Specializuar, i cili është me masa mbrojtëse dhe ka kodin Ë04764.
Ky dëshmitar, sipas përmbledhjes së lexuar nga prokuroria ka qenë anëtar i UÇK-së.
“Dëshmitari Ë04764 ka qenë anëtar i UÇK-së i cili ka qenë i pranishëm në Shqipëri dhe Kosovë gjatë vitit 1998 dhe 1999”, tha prokurorja Sarah Clanto, gjatë ditës së djeshme.
Ndërkaq, me arsyetimin e mbrojtjes së identitetit të tij seanca kaloi në sesion privat për marrjen e dëshmisë së tij.
Dëshmia e këtij dëshmitari, pritet të zgjasë rreth një ditë e gjysmë, prej së cilës tri orë janë ndarë për pyetjet e ZPS-së dhe shtatë orë për kundërpyetjet e mbrojtjes, njoftoi kryetari i trupit gjykues Charles Smith III./teve1.info/
