Profesori, Muhamet Kelmendi, viziten e udhëheqësit të CIA-s në Bosnjë Hercegovinë, në Serbi dhe në Kosovë e sheh si rezultat i rrezikut që i kanoset aktualisht Ballkanit nga politika serbe e Beogradit.
Sipas Kelmendit, rreziku është i madh edhe për shkak të lidhjes që ka bota serbe me shtetin rus konkretisht me sigurimin shtetëror të Rusisë.
“ Gjendja më e mirë as në Kosovë ku e kemi një ndikim jashtëzakonisht shumë të ashpër dhe të dëmshëm të qeverisë serbe sidomos te minoriteti serb në veri ku nëpërmes tij siç e dimë është bërë tërheqja e të gjithëve nga organet e shtetit, kemi pasur rastin e vitit të kaluar që është kryer një akt terrorist në Banjskë, pra sulme të rënda që janë kryer mbi ushtrinë e KFOR-it, ku i kemi mbi 98 të lënduar rëndë, pastaj kemi gjendjen tjetër e cila është krijuar sa i përket botës serbe me kuvendin që është mbajtur në Beograd ku ka marrë Serbia për detyrë që të realizojë këtë botë serbe e cila nuk planifikon vetëm Bosnjë Hercegovinen, Kosovën por në të duhet të futen edhe dy Republikat e ish-Jugosllavisë këtë rast Mali i Zi dhe Maqedonia e Veriut, pra kemi të bëjmë me një rrezik shumë të madh i cili i vjen këtij rajoni nga ana e politikës serbe të Beogradit, të Republikës Serbe në Serbi dhe natyrisht të gjithë këta të lidhur me shtetin rus drejtëpërdrejt me sigurimin shtetëror të Rusisë dhe kliken e Putinit në Moskë. Në këtë drejtim e shoh viziten e udhëheqësit të CIA-s në Bosnjë Hercegovinë, në Serbi dhe në Kosovë”, ka thënë ai në emisionin “Ditari” në Tëvë1.
Kelmendi e ka vlerësuar të rëndësishme viztën e udhëheqësit të CIA-s sepse shpreson që në të gjitha vendet që ka vizituar ka dërgur mesazhn e njëjtë pra që nuk tolerohen ndryshime të kufijve aktualë që janë në Ballkanin Perëndimor.
“Dhe është mirë kjo vizitë që është bërë dhe kam shpresë se në të gjitha këto vende është thënë qëndrimi i prerë që nuk tolerohen ndryshime të kufijve aktualë që janë në Ballkanin Perëndimor dhe se e ardhmja e këtij vendi është jo në luftë me njëri tjetrin por në zgjidhjen e konflikteve në mënyrë paqësore, të ndërsjellë dhe me sjellje reciproke”, ka shtuar ai./teve1.info/
