Të mërkurën në Prokurorinë Themelore në Prizren, Ministria e Kulturës ka dorëzuar kallëzim penal ndaj kryetarit të Komunës së Prizrenit, Shaqir Totaj dhe katër zyrtarëve të tjerë të Ministrisë së Kulturës, të cilët akuzohen për shkelje të rendit kushtetues, të dyshuar për rrënimin e tri monumenteve të kompleksit “Saraji i vjetër” në Prizren.
E për këtë çështje, Prokuroria Themelore në Prizren ka bërë të ditur për Tëvë1 se lënda është pranuar dje në këtë institucion, derisa pritet që t`i kalojë Prokurorisë Speciale.
Lidhur me këtë, ka reaguar dje ministri i Kulturës, Hajrulla Çeku.
“Kodi Penal i Republikës së Kosovës, veprat e klasifikuara si: Dëmtimi, shkatërrimi dhe nxjerrja e paautorizuar e monumenteve ose objekteve të mbrojtura jashtë Republikës së Kosovës, i dënon deri në 10 vjet burgim, ndërsa si masë pasurore, sipas Ligjit për trashëgimi kulturore, dënohen me gjobë nga 1 mijë deri në 500 mijë euro”, ka thënë Çeku.
Ndryshe, nisma për rrëzimin e kompleksit “Saraji i vjetër” në Prizren ka nisur që pesë vite, kur ndërtesat në asokohe gëzonin mbrojtje të përkohshme.
Në vitin 2019, Instituti i Kosovës për Mbrojtjen e Monumenteve kishte dhënë pëlqimin./teve1.info/