Numri në listën preliminare të votuesve në Kosovë është më i madh se ai banorëve.
Sipas të dhënave të KQZ-së numri i votueseve është 2,047,149 votues, ndërsa që Kosova sipas rezultateve preliminare të regjistrimit të popullsisë ka rreth 1.6 milionë banorë.
Ndërsa, zëdhënësi i KQZ-së, Valmir Elezi ka thënë se certifikimi i listës përfundimtare pritet të bëhet më 4 janar 2025.
Ai ka sqaruar se pse në listën e votuesve ka më shumë banorë me të drejtë vote, se numri i përgjithshëm i popullsisë.
“Lista Votuese dhe regjistrimi i popullsisë duhet të shikohen ndaras. Në regjistrimin e popullsisë janë të përfshirë vetëm banorët rezident të pranishëm në Kosovë në kohën kur është bërë regjistrimi, pra nuk përfshihen qytetarët që jetojnë jashtë vendit, ndërsa në Listën Votuese përfshihen shtetasit e Kosovës me të drejtë vote që jetojnë brenda dhe jashtë vendit”, ka thënë Elezi për teve1.info.
Sipas vendimit të KQZ-së, një subjekt politik ka të drejtë të shpenzojë deri në 2,047,149 euro, pra jo më pak se një (1) euro për votues të regjistruar.
