Dy persona u arrestuan pasi hodhën një mjet shpërthyes në parkingun e një lokali në Lipjan. Përveç dëmeve materiale, nuk ka pasur të lënduar. Kryhet bastistje dhe gjenden sekuestrohet armë në shtëpinë e njërit nga të dyshuarit.
Kanë mbetur vetëm gjurmët e dëmeve të shkaktuara.
Kjo pasi një ditë më parë, në parkingun e një lokali në Lipjan, ndodhi një incident.
Orët e para të së shtunës, për motive ende të panjohura, brenda hapësirës së lokalit u hodh një granatë dore.
E gjithë kjo ndodhi ndërkohë që diskoteka ishte akoma e hapur.
E rastin e bëri të ditur Policia e Kosovës me ç’rast njoftoi që janë kryer bastisje në shtëpinë e njërit prej personave të dyshuar.
“Janë arrestuar dy të dyshuar meshkuj kosovarë, pasi që të njëjtit dyshohet se kanë hedhur një mjet shpërthyes (granatë dore) në parkingun e një lokali. Përveç dëmeve materiale nuk raportohet për të lënduar. Me vendim të prokurorit është kryer bastisja në shtëpinë e njërit nga të dyshuarit ku gjatë kontrollit janë gjetur dhe sekuestruar një armë gjueti me 16 fishekë si dhe një pushkë ajrore”, thuhet nga policia.
Ndaj dy të arrestuarve, Prokurori i Shtetit ka urdhëruar masën e ndalimit policor dhe inicimin e hetimit për zbardhjen e motivit dhe rrethanave të tjera.
Televizioni ka tentuar që të marrë një qëndrim edhe nga pronari i lokalit në lidhje me rastin, por gjatë së dielës objekti ishte i mbyllur.
