Dy persona janë arrestuar pasi që të njëjtit dyshohen se kanë hedhur një mjet shpërthyes (granat dore), në parkingun e një lokali në Lipjan.
Sipas policisë, përveç dëmeve materiale nuk është raportuar për të lënduar.
Policia ka bërë të ditur se me vendim të prokurorit është kryer bastisja në shtëpinë e njërit nga të dyshuarit, ku gjatë kontrollit janë gjetur dhe sekuestruar një armë gjueti me 16 fishekë si dhe një pushkë ajrore.
Me vendim të prokurorit të dyshuarit janë dërguar në mbajtje.
“Lipjan 17.08.2024-02:50. Janë arrestuar dy të dyshuar meshkuj kosovarë, pasi që të njëjtit dyshohet se kanë hedhur një mjet shpërthyes (granat dore) në parkingun e një lokali. Përveç dëmeve materiale nuk raportohet për të lënduar. Me vendim të prokurorit është kryer bastisja në shtëpinë e njërit nga të dyshuarit ku gjatë kontrollit janë gjetur dhe sekuestruar një armë gjueti me 16 fishekë si dhe një pushkë ajrore. Me vendim të prokurorit të dyshuarit janë dërguar në mbajtje”, thuhet në raport./teve1.info/
