Për këtë çështje, ky dikaster ishte përgjigjur edhe një muaj më parë, por që u vlerësua më shumë si pasqyrë e legjislacionit.
Por, përgjigjet e marra nuk po iu mjaftojnë.
Përmes një urdhri, trupi gjykues pas ankesës së mbrojtëses së viktimave, ka kërkuar sërish nga MD-ja sqarime, duke i vlerësuar përgjigjet paraprake më shumë si pasqyrë e legjislacionit.
“MD nuk jep përgjigje të qarta se si Komisioni Qeveritar për kompensimin e viktimave të krimit do të merrte vendimin e saj veçanërisht në lidhje me krime që nuk janë të renditura në nenin 6 të ligjit për kompensimin e viktimave të krimit, veçanërisht në rastet ku krimet dyshohet se janë kryer 23 vjet më parë”, thuhet në përgjigjen e Trupit gjykues.
Rrjedhimisht, thuhet se viktimat kanë rrezik serioz që t’iu refuzohet pretendimi për kompensim.
Pa përgjigje të qartë trupi gjykues vlerëson se dikasteri i Drejtësisë ka qenë edhe në çështjen e krijimit të një fondi të veçantë kompensimi dhe ruajtjen e anonimitetit të viktimat të krimeve të pretenduara.
“Paneli dëshiron të di nëse Ministria e Drejtësisë parashikon krijimin e një fond, për të mbuluar pagesën e një urdhëri reparacioni të lëshuar nga Paneli, në rast se i Akuzuari do të dënohej por nuk do të mund të paguante dëmshpërblimet e urdhëruara ose nëse parashikon zgjerimin e fushës së aplikimit të një fondi tjetër në dispozicion për këtë qëllim.”
Për këto çështje, Ministria e Drejtësisë është e urdhëruar të përgjigjet deri më 10 qershor.
Ndërkaq, lëvizje ka bërë pala tjetër gjyqësore në rastin e Salih Mustafës.
Mbrojtja e viktimave i ka propozuar trupit gjykues një ekspert për llogaritjen e dëmeve materiale të pësuara nga viktimat.
I propozuari është Stefan Larz, i cili kishte llogaritur dëmet në Bosnjë, Irak, Indonezi, Austri dhe Gjermani.
Kronika e realizuar nga Florijeta Dernjani
