Një person me veturë, me targa të huaja, ka goditur zyrtarin policor me biçikletë në Gjilan, e si pasojë e goditjes me veturë zyrtari policor është lënduar dhe ka marr trajtim mjekësor.
Në raport thuhet se se dyshuari jo vetëm që nuk iu ka bindur urdhrave të zyrtarit policor, ai me veturë ka goditur zyrtarin policor me gjithë biçikletë dhe është larguar nga vendi i ngjarjes, raporton teve1.info
“Rr. Abdulla Tahiri, Gjilan / 10.08.2024-14:30. Viktima mashkull kosovar zyrtar policor ka raportuar se derisa kishte qenë duke lëvizë me biçikletë kishte hasur në një veturë me targa të huaja duke u kthyer – hyrë në një rrugë e cila e ka të ndaluar me u kyç me shenjë komunikacioni, andaj vozitësit të veturës -të dyshuarit ende të panjohur ju ka prezantuar si person zyrtar dhe tërheqë vërejtjen, por i dyshuari jo vetëm që nuk i bindet urdhrave të zyrtarit policor me veturë e godet zyrtarin policor me gjithë biçikletë dhe largohet nga vendi i ngjarjes. Si pasoj e goditjes zyrtari policor ka pësuar lëndime dhe ka pranuar tretman mjekësor”, thuhet në raportin 24 orësh të policisë.
Më tej thuhet se lidhur me rastin është informuar prokurori i cili e ka cilësuar rastin dhe vazhdon të hetohet.
