Pjatalarësja është padyshim një pajisje e dobishme në jetën e përditshme, pasi na lejon të lajmë enët dhe të kursejmë kohë dhe lodhje. Por nuk është gjithmonë zgjidhja më e mirë për të gjitha enët.
Në fakt, ka disa objekte që duhen larë me dorë për të parandaluar që temperaturat e larta të dëmtojnë sipërfaqen e tyre.
Thikat
Nëse dëshironi t’i mbani të mprehta, është më mirë të mos i lani në pjatalarëse, sepse tehet do të rrezikojnë të humbasin mpreftësinë e tyre. Megjithatë, nëse keni mjetin e duhur për t’i mprehur mund të vazhdoni me larjen e tyre në pjatalarëse.
Gotat e kristalit
Temperaturat e pjatalarëses mund të copëtojnë objektet prej kristali ose të dëmtojnë sipërfaqen e tyre. Prandaj është më mirë t’i lani ato me dorë dhe t’i thani për të parandaluar që uji i mbetur në sipërfaqen e tyre të krijojë njolla.
Enët prej druri
Uji i vluar ka tendencë të prishë objektet prej druri, prandaj këshillohet që t’i lani ato me dorë, duke pasur kujdes që të mos i lini në ujë për një kohë të gjatë. Kjo vlen si për lugët e drurit, shkopinjtë, ashtu edhe për dërrasat ku prisi ushqimet.
Enët e bakrit dhe gizës
Detergjentët agresivë dhe temperaturat e larta të pjatalarëses mund të dëmtojnë sipërfaqen e objekteve prej bakri. Lajini ato me dorë dhe nëse është e nevojshme mund t’i lustroni me limon. E njëjta gjë vlen edhe për gizën. Në këtë rast ekspozimi i zgjatur ndaj ujit përshpejton procesin e oksidimit.
Tiganët që nuk ngjisin
Temperaturat e larta mund të prishin veshjen e tiganëve që nuk ngjisin dhe t’ju ekspozojnë ndaj rrezikut të kontaktit me kimikate toksike dhe kancerogjene.
Enët prej qeramike dhe porcelani të pikturuara me dorë
Qeramika dhe porcelani mund të lahen në pjatalarëse pa problem, por në rastin e objekteve të lyera me dorë, është e këshillueshme të zgjidhni larjen me dorë.
Objektet prej alumini
Alumini është një material shumë i lehtë, i cili në kontakt me ujin e nxehtë dhe sende të mprehta mund të dëmtohet. Për këtë arsye është mirë që gjithmonë të lani enët, tiganët dhe objektet e aluminit me dorë dhe nëse është e mundur, me një sfungjer delikat.
Kavanozat e reçelit
Nuk këshillohet t’i lani në pjatalarëse, pasi etiketat mund të shkëputen dhe të bllokojnë pajisjen, duke e dëmtuar atë.
Paisja e kafesë moka
Ndër objektet që janë rreptësisht të ndaluara të lahen në lavastovilje është edhe moka pasi rrezikon të mos shpëlahet mirë nga detergjenti. Ajo duhet të lahet vetëm me dorë dhe me ujë të nxehtë.
Rendet
Ju mund t’i lani rendet në pjatalarëse, por duhet të dini se mbetjet e djathit dhe të çdo ushqimi tjetër, pas larjes, do të qënrojnë. Mënyra më e zgjuar dhe më efektive është pastrimi i rendes me dorë, me ujë të nxehtë dhe detergjent, menjëherë pas përdorimit. /AgroWeb.org
