Shoqata për Dëme të Luftës “Ngritja e Zërit” ka dorëzuar sot dosje në Gjykatën Kushtetuese, duke kërkuar që të bëhet kompensimi i dëmeve gjatë luftës së fundit në Kosovë.
Drejtori i kësaj shoqate, Jahja Bejta në emisionin “Ditari“ në Tëvë1, theksoi se kanë kërkuar që këto dosje të dorëzuara të cilat përmbajnë detaje të dëmëve të mirren parasysh e të mos hidhen poshtë nga Gjykata, e që sipas tij nuk duhet të veprohet në këtë mënyrë.
“Gjykata Kushtetuese na i trajtonë si të papranuara kërkesën, e në realitet nuk duhet të veprohet ashtu. Janë dy detyrime që duhet me i përfillë Gjykata Kushtetuese, Kushtetuesja është e obliguar të mbrojë lirit dhe të drejtat e njeriut”, ka thënë Bejta.
Tutje, ai deklaroi se kanë barriera për t’i dorëzuar këto dosje në Gjykatën Evropiane të Drejtësisë në Strasburg, pasi që Kosova nuk është pjesë e Këshillit të Evropës.
“Tash telashja është që i kena barrierat me shku në Gjykatën Evropiane Drejtësisë në Strasburg, pasi që Kosova nuk është pjesë e Këshillit të Evropës edhe nuk e kena të drejtën që drejtë për së drejti me i përcjellë në Strasburg”, deklaroi Bejta.
Tutje, Bejta në “Ditari“, ka thënë se udhëzimi i viktimave civile që të drejtat e tyre t’i kërkojnë në Gjykata të Beogradit i ka fyer shumë, majde ai tha ky udhëzim është më shumë se vrasje dhe denigrim njerëzor.
Tutje ai theksoi se provat dhe faktet janë në Kosovë dhe Gjykatat tona janë të obiliguara të i shqyrtojnë këto kërkesa.
“E apostroova pranë Gjykatës së Kushtetueses se udhëzimi i viktimave civile se të drejtat e tyre t’i kërkojnë në Gjykata e Beogradit na ka indinjuar tejmase, madje e kam konsideruar më shumë se fyrje, ma shumë se vrasje dhe denigrim njerëzor të shkojnë në Beograd me kërku drejtësi, po provat janë këtu, faktet janë këtu, edhe pikërisht Gjykata tona janë të obligyeshmne me i shqyrtu“, deklaroi Bejta në Tëvë1.
Tutje Betja, ka bërë të ditur se kanë kontatkuar me një akovat në Shqipërisë, dhe se i njëjti do të marrë përsipër të iu ndihmojë.
