Sipas IHMK-së, të mërkurën parashihet mot me rreze dielli dhe temperatura të larta, ndërsa të enjten parashihet mot me reshje shiu.
“Mot kryesisht me diell dhe vranësira të pjesshme. Të enjten vranësirat do të dendësohen, duke përfshirë gjithë territorin e vendit. Parashihen reshje shiu dhe vende-vende shkarkime rrufesh (ditën e enjte), ndërsa të mërkurën parashihen rreze dielli dhe temperatura të larta. Indeksi UV do të shënoj vlera të rrezikut, prandaj këshillat e IKSHP mbeten në fuqi, që nga ora 9-17 mundësisht të jemi sa më të kufizuar nga rrezet direkte të diellit ose të bartim masa mbrojtëse (vlen vetëm për ditën e mërkurë)”, thuhet në njoftim.
Po ashtu nga IHMK-ja kanë bërë të ditur se temperaturat maksimale do të arrijnë deri 26 gradë celsius.
“Temperaturat minimale do të lëvizin ndërmjet 3-9 gradë Celsius, ndërsa maksimalet e ditës parashihen të lëvizin ndërmjet 13-26 gradë Celsius. Do të fryjë erë e lehtë dhe lokalisht e fortë nga drejtimi i jugperëndimit dhe verilindjes. Kushtet agrometeorologjike mbeten të mira, falë këtyre temperaturave dhe reshjeve të cilat u regjistruan në këto dy dekada të muajit prill”, thuhet më tej në njoftimin e IHMK-së. /teve1.info/
