Nga Mitrovica e Jugut po ecën në këmbë në drejtim të Urës së Ibrit.
Mirëpo tash e tutje, qëllimi i ministrit të Punëve të Brendshme, Xhelal Sveçla është që në këtë urë të kalohet edhe me veturë.
Andaj para kalimit në pjesën e Mitrovicës së Veriut po hynë poshtë urës për të parë a kanë filluar punimet.
Atë po e përcjellin ministri i Administrimit dhe Pushteti Lokal, Elbert Krasniqi si dhe përfaqësuesit e kompanisë të kontraktuar.
Para medieve, Sveçla tha se ka ardhur për të parë matjen dhe rregullimin e urës.
Sveçla pati përgjigje edhe për deklaratat e ndërkombëtarëve që kërkuan që mos të merren veprime të njëanshme.
Pas deklarimit, ai vazhdoi në pjesën veriore të vendit për të pirë kafe.
Aty u takua edhe me pjesëtarë të Policisë së Kosovës.
E disa minuta më vonë, bashkë me ministrin Krasniqi iu drejtuan edhe njëherë gazetarëve.
Krasniqi tha se nesër do të ketë një takim me qytetarët shqiptarë dhe serbë për të diskutuar rreth brengave për hapjen e urës.
Gjithashtu ministri Sveçla tha se është zëri i të gjithë qytetarëve.
Për fund, ministrat e Qeverisë Kurti e vizituan edhe njëherë Urën e Ibrit prej poshtë, kësaj herë punëtorët kishin filluar pastrimin dhe lyerjen e mureve.
Ata, punët në vazhdimësi do t’i zhvillojnë edhe gjatë ditës së nesërme.
