Kanë mbetur pa rrymë disa fshatra të Gjakovës, si pasojë e një zjarri, ku janë dëmtuar asetet elektroenergjetike të KEDS-it.
Tëvë1, ka publikuar pamje nga fshati Nivokaz të Gjakovës, ku shihet toka e shkrumbuar.
Kurse sipas KEDS-it, zjarri është i qëllimshëm, teksa si pasojë e këtij zjarri kanë mbetur pa rrymë 700 konsumatorë të fshatrave Molliq, Batushë, Brovinë, Stubëll, Berjah.
Tutje, KEDS u ka bërë thirrje qytetarëve që të kenë kujdes të shtuar e të mos shkaktojnë qëllimshëm vatra të tilla zjarresh.
“Persona të papërgjegjshëm i kanë vënë zjarrin qëllimshëm një fushe, me ç’rast është dëmtuar pjesërisht Largpërçuesi 10kV Dobroshi. Nga ky dëm dhe zjarr, i cili vazhdon të jetë aktiv akoma, kanë mbetur pa furnizim me energji elektrike rreth 700 konsumatorët e fshatrave Molliq, Batushë, Brovinë, Stubëll, Berjah. Ekipet e KEDS-it janë mobilizuar tashmë dhe ndodhen në terren, megjithatë sipas verifikimeve, gjendja është e rëndë dhe nuk dihet saktë se sa i madh është dëmi, për çka eliminimi i dëmit të shkaktuar në kabllot elektrike me gjasë do të marrë kohë”, thuhet në njoftimin e KEDS-it.