Kreu i Lidhjes Demokratike të Kosovës, Lumir Abdixhiku, ka publikuar një video nga punimet në Qendrën Kryesore të Mjekësisë Familjare (QKMF) në Obiliq.
Abdixhiku ka thënë se detyrë e tyre është të punojnë për qytetarët dhe se beteja e tyre nuk është shtypja e mediave, shkruan teve1.info
Tutje ai ka deklaruar se frustrimi popullor nuk është dhe s’ka qenë asnjëherë vlerë e popullit të Kosovës, prandaj shton se përpjekjet e importuara për ngecje në urrejtje do t’i refuzojnë.
“Beteja jonë nuk është shtypja e mediave. As instalimi i ndarjes e përçarjes mes njerëzve tanë. Frustrimi popullor nuk është dhe s’ka qenë asnjëherë vlerë e popullit të Kosovës; prandaj përpjekjet e importuara për ngecje në urrejtje do t’i refuzojmë”, ka shkruar Abdixhiku.
