Sipas tij ish- presidenti, në atë periudhë zgjodhi dualizmin në vend se të vijë në konflikt ndoshta edhe me amerikanët.
“Roli i Rugovës duhet pa në dilemën se a do ndjekë linjën institucionale të jetë komandant i focave të vijë në konflikt ndoshta edhe me amerikanët apo të vazhdojë ashtu si vazhdojë me një dualizëm. Filloi lëvizja FARK-u që të inkorporohet sa të mundet, Bukoshi me qeverinë e tij inkorporohet po ashtu me mjete që është shumë e vërtetë ka dhanë shumë mjete por Bukoshi me FARK-un e tij nuk ishte në gjendje që politikisht ta ndikojë UÇK-në, sepse doli informacioni tjetër që ishte e ashtuquajtura Byro Politike me Hashim Thaçin sado që tash po shihet që kanë pasë divergjenca të mëdha edhe sa i përket Byrosë Politike dhe grupeve të tjera”, tha ai.
Buxhovi në emisionin “ ResPublika” në Tëvë1 tha se rolin e Rugovës mbetet historia ta vlerësojë.
“Thaçi dhe UÇK-ja ishin faktor i pashmangshëm dhe aranzhimit që i bënë edhe me Bukoshin dhe veçmas pas vrasjes së kolonel Ahmet Krasniqi, ishte një shenjë e mirë që nuk do të lejohet luftë institucionale, por do të lejohet që faktori ushtarak me mjetet që i kishte qeveria e përkohshme të barten në konton e luftës dhe në përgjegjësinë e saj dhe në këtë drejtim mbetet që prap historia ta vlerësojë rolin e Rugovës në këtë drejtim”, tha Buxhovi.
Tutje në Tëvë1 ai u shpreh se ai si historian e ka vlerësuar politikisht të drejtë rolin e Rugovës, sepse siç tha ai çfarëdo vendimi tjetër do të rrënonte kapitalin tetë vjeçar të lëvizjes institucionale.
“Unë si historian e kam vlerësuar rolin e Rugovës politikisht të drejtë dhe pa alternativë sepse çfarëdo drejtimi tjetër të merrte Rugova do të rënohej kapitali tetë vjeçar i lëvizjes institucionale dhe në të njëjtë kohë do të kapeshin disa dilema tjera që as amerikanët e as europianët nuk kishin interes që ajo lëvizje të rrënohej. Dhe u pa edhe më tutje pas rezolutës 1244 u pa edhe në aspektin që filloi implementimi i 1244, LDK-ja prap doli si partneri i parë përkundër asaj që që UÇK-ja ishte partner në njëfarë mënyre deri më 12 qershor të 99’ por skenën politike primati prap t’i kthehet LDK-së”, shtoi Buxhovi.
