Sipas tij për shkak të mungesës së transportit publik dhe infrastrukturës së dobët në kryeqytet është tentuar për zgjidhje alternative.
“Infrastruktura e dobët, jo si në Evropë, në mungesë të transportit të mirëfillt publik gjithmonë tentohet të dilet me një zgjidhje jashtë zgjidhjeve që i kemi. Komuna e Prishtinës ka tentuar të bëjë një lloj testi për një qarkore apo një unazë me rrugët njëkahore me lidhje prej rrugëve sekondare ku kryesisht është testuar ditëve të vikendit, ku numri i automjeteve në lëvizje gjatë atyre ditëve është automjete rekreative, jo automjete për punë”, ka thënë Ahmeti.
Ai në emisionin “Ditari” në Tëvë1 ka thënë se 75% e qytetarëve në kryeqytet i përdorin automjetet vetanake për punë.
“Ne dimë që 75% të qytetarëve tonë i përdorin automjetet vetanake për vajtje ardhje nga puna, këtë gjendje e ka pasë SHBA dhe Europa deri në vitin 1968, pastaj ka filluar zhvillimi i madh i transportit publik dhe si rezultat i kësaj ka pasur përmirësime. Mirëpo vendi jonë është qysh është dhe Prishtina dihet që është e koncentruar numri i automobilave në një zonë gjeografike bukur të vogël.” Shtoi ai.
Sa i përket eksperimentit të bërë gjatë vikendit në Prishtinë për me unazë njëkahore, Ahmeti ka thënë se ende nuk i dinë rezultatet.
“Pa transport publik është e pa mundshme që të shmangen dendësitë e mëdha në komunikacion. Komuna ka bërë një test që nuk i dimë ende rezultatet, sepse nuk po e dimë ende a është më e mirë mënyra qysh ka qenë apo qysh është bërë këryre ditëve të fundit. Mirëpo automjetet pothuajse janë të njëjta edhe qarkorja ndoshta mundet me funksionmu, por ndoshta edhe nuk mundet me funksionu, tash ta shohim se ku është problematika edhe besoj qe dalim me një rezultat më të detajuar”, tha Ahmeti./teve1.info/.
