Mesfushori i Francës, Adrien Rabiot i ka dhënë fund aventurës së tij te skuadra e Juventusit.
Ekipi nga Serie A, ka konfirmuar të enjten se Rabiot ka vendosur të largohet nga Juventusi pasi nuk e ka rinovuar kontratën që i ka skaduar javë më parë.
ADVERTISEMENT
Rabiot ishte pjesë e Juventusit për pesë vjet dhe gjatë kësaj periudhe ka fituar një titull kampioni, dy kupa dhe një Superkupë të Italisë.
Me fanellën e Juventusit, Rabiot ka regjistruar 212 paraqitje në të gjitha garat, ndërsa në Serie A ka pasur 163 ndeshje ku ka shënuar 14 gola dhe ka bërë 12 asistime.
Krahas Juventusit e PSG-së, 29-vjeçari karrierë ka bërë edhe te Toulouse kurse me Kombëtaren e Francës ka regjistruar 48 paraqitje dhe ka shënuar 4 gola.
