Pas portierit Thomas Strakosha, një tjetër reprezentues i Shqipërisë pritet që karrierën ta vazhdoj në kampionatin e Greqisë.
Bëhet fjalë për sulmuesin Myrto Uzuni që po kërkohet me ngulm nga skuadra e Panathinaikosit.
Mësohet se Panathinaikosi tashmë ka kontaktuar Granadan, që për kartonin e Uzunit po kërkon të paktën 8 milionë euro.
Uzuni pritet të largohet nga Granada, ekip që sezonin e ri do të luaj në kategorinë e dytë të Spanjës dhe me të cilin ka kontratë deri në vitin 2026.
Sezonin e shkuar, Uzuni shënoi 11 gola në La Liga, ndërsa është pjesë e Granadas prej vitit 2022.
Interesim për Uzunin, gjithashtu kanë shprehur edhe skuadrat nga Turqia dhe Spanja.
Ai ishte pjesë e Shqipërisë në “Euro 2024”, ndërsa me “kuqezinjtë” ka 35 paraqitje dhe 5 gola të shënuar.
Ndërkohë, portieri Strakosha javë më parë iu bashkua AEK-ut të Athinës nga Brentfordi i Anglisë.
