Profesori universitar Avdi Smajlaj po vlerëson se plani franko-gjerman aktualisht është bazë e dialogut Kosovë-Serbi.
Smajlaj ka thënë se ky plan do të sjellë në dimensione afatmesme një stabilitet në rajon.
Megjithatë, ai konsideron se zbatimi i tij nga palët, duket të jetë shumë i vështirë.
“Mendoj se aktualisht bazë e dialogut është marrëveshja. Mund të ketë ndoshta modifikime,nivele të takimeve të ndryshme për çështje teknike, mirëpo përderisa BE-ja, SHBA-ja dhe komuniteti ndërkombëtar nuk vijnë me një propozim tjetër, thonë që ky plan nuk funksionon, nuk zbatohet nga palët, të cilën ne nuk e dimë ndoshta edhe nuk do të vijnë fare, mendoj se ky plan do të vazhdojë edhe për një kohë të jetë bazë e dialogut për të zbatuar këtë marrëveshjeje e cila është pa që njëfarë mënyre do të sjellë ndoshta në dimensione afatmesëm një farë stabiliteti në rajon, mirëpo duket shumë i vështirë zbatimi i kësaj marrëveshjeje”, është shprehur ai në emisionin “Këndi i Debatit” në Tëvë 1.
Ndryshe, profesori e sheh si të arritur nëse zbatimi i këtij plani, do t’i sjell Kosovës njohjen e pesëshës së BE-së, përjashtuar atë nga Rumania e cila s’ka dhënë sinjale për ndryshim qëndrimi.
“Megjithatë kur flasim për Bashkimin Evropian dhe njohjet, kjo marrëveshje tanimë është një lloj kushti edhe për njohjen s’po them nga pesëshja sepse Rumania si duket nuk ka dhënë sinjale se do të ndryshojë qëndrim, katërshja më duket se po,me sa kam informacione në rast se zbatohet marrëveshja ato mund të ndryshojnë qëndrimin e tyre karshi njohjes së shtetit të Kosovës që është një e arritur bukur e madhe megjithatë qoftë edhe një shtet nëse nuk te njeh kjo do ta komplikonte edhe subjektivitetin tonë ndërkombëtar,edhe aspektin e anëtarësimit në Bashkimin Evropian, por megjithatë do ta shtynte procesin përpara”, ka shtuar ai. /tëvë1.
