Me të përfunduar “Euro 2024”, reprezentuesi i Spanjës, Dani Olmo pritet të bëjë hapin e madh në karrierë.
Sipas të gjitha gjasave, Olmo do të transferohet te Manchester City pasi kampioni i Anglisë po i kërkon me ngulm shërbimet e tij.
Në fakt, është trajneri Pep Guardiola që po e sheh Olmon si përforcim ideal për ekipin e tij dhe po insiston në transferimin e 26-vjeçarit.
Olmo ka 3 gola e 2 asistime në pesë ndeshje të luajtura për Spanjën në Evropian dhe pritet të jetë vendimtar edhe në finalen ndaj Anglisë.
Aktualisht, Olmo është pjesë e Leipzigut të Gjermanisë kurse kartoni i tij vlerësohet mbi 50 milionë euro.
Ai është pjesë e ekipit gjerman prej vitit 2020 dhe ka kontratë valide deri në verën e vitit 2027. Olmo ka edhe 38 paraqitje e 11 gola për Spanjën, ndërsa po kërkohet edhe nga Liverpooli, Barcelona e Bayern Muncheni.