Ai thotë se mund të presim incidente të tjera në javët në vijim në veri të Kosovës.
“Po, të gjitha provat sugjerojnë se Kosova veriore është pika e ndezjes ndërmjet Kosovës dhe Serbisë. Sipërfaqësisht, ka një histori për krimin e organizuar dhe policinë, por çështjet reale në rrezik janë më thella. Për Serbinë, pyetja në veri të Kosovës është se ku qëndron kufiri i saj jugor dhe nëse ajo mund të riintegrojë popullsinë serbe që jeton atje. Në Prishtinë, duke kontrolluar veriun, një rajon rebel dhe jo besnik, është një test për sovranitetin dhe pavarësinë e Kosovës. Mund të shohim të incidente të tjera në javët në vijim”, thotë diplomati britanik
Sipas Less, pushtimi rus i Ukrainës ka krijuar panik tek të dyja vendet.
“Në periudhën e afërt, shoh një rënie të marrëdhënieve dhe pak shanse për ndonjë marrëveshje. Kosova dhe Serbia janë akoma shumë larg njëra-tjetrës. Pushtimi rus i Ukrainës ka krijuar panik në të dyja palët. Kosova mendon se Serbia do të shfrytëzojë krizën për të kapur veriun dhe Serbia në anën tjetër është e alarmuar kur shikon se Kosova po shtyn përpara për anëtarësim ndërkombëtar, duke përfshirë NATO-n, në një pikë ku sponsori i saj kryesor ndërkombëtar është izoluar dhe dobësuar”, u shprehë ai.
Së fundmi në veri të vendit kanë ndodhur disa sulme me granata e me armë të tjera në drejtim të policisë së Kosovës.
Ministri i Brendshëm, Xhelal Sveçla, i vlerësoi këto sulme si terroriste.
Gjatë periudhës së fundit përplasje të ashpra diplomatike u zhvilluan mes përfaqësuesve të Kosovës dhe atyre të Serbisë në Këshillin e Sigurimit.
Kronika: Shpat Blakçori
