Gjyqtari nga Franca, Françios Letexier është përzgjedhur nga UEFA për ta ndarë drejtësinë në finale e “Euro 2024” ndërmjet Spanjës dhe Francës.
Letexier 35-vjeçar bëhet prej gjyqtarëve më të rinj që merr përgjegjësinë për ta drejtuar finale e një ngjarjeje të madhe.
Letexier tashmë i ka drejtuar tri ndeshje në “Euro 2024”, përfshirë edhe duelin që Spanja e fitoi 4:1 ndaj Gjeorgjisë në 1/8 e finales.
Ai ishte gjyqtar kryesor edhe në ndeshjet Shqipëri – Kroaci dhe Danimarkë – Serbi, që i takuan fazës së grupeve.
Në të trija këto ndeshje, Letexier nuk ka dhënë asnjë penallti dhe nuk e ka përjashtuar asnjë futbollist.
Po ashtu, ishte gjyqtar i katërt në ndeshjen hapëse të Evropianit ndërmjet Gjermanisë dhe Skocisë.
Letexier në finale do të ndihmohet nga asistentët Cyril Mugnier e Mehdi Rahmouni që gjithashtu janë nga Franca, ndërsa gjyqtar i katërt do të jetë polaku Szymon Marciniak.
Finalja e “Euro 2024” do të zhvillohet të dielën prej orës 21:00 në Berlin.