Kombëtarja e Francës do të jetë e kompletuar për gjysmëfinalen kundër Spanjës pasi mesfushori Adrien Rabiot do të jetë në dispozicion të trajnerit Didider Deschamps.
Rabiot do të jetë titullar te Franca ndaj Spanjës, ndeshje kjo që luhet në mbrëmje nga ora 21:00 në qytetin e Munchenit.
Rabiot i mungoi Francës në çerekfinale ndaj Portugalisë dhe ekipi i trajnerit Didier Deschamps shfaqi probleme në mesfushë.
Ai mungoi për shkak të suspendimit pasi në 1/8 e finales ndaj Belgjikës u ndëshkua me karton të verdhë për të arritur limitin prej dy kartonëve dhe nuk luajti kundër Portugalisë.
Kthimi i Rabiotit në përbërjen e parë ndaj Spanjës, do të thotë që Eduardo Camavinga do të jetë në stol për ndeshjen gjysmëfinale.
Rabiot në mesfushë do të luaj së bashku me N’Golo Kanten dhe Aurelien Tchouamenin, duke e përbërë treshen që do të jetë pas sulmit, të cilin do ta përbëjnë Ousmane Dembele, Randal Kolo Muani dhe Kylian Mbappe.
Prej pesë ndeshjeve të Francës deri më tani në “Euro 2024”, Rabiot në katër prej tyre ishte titullar te Franca.
