Kryetari i Kuvendit të Kosovës, Glauk Konjufca sot ka pritur në takim të dërguarin e Sllovenisë për Ballkanin Perëndimor, Anžej Frangeš.
Në këtë takim është diskutuar për gjendjen në të cilën ndodhet dialogu Kosovë – Serbi.
Sipas njoftimit, të dy palët kanë shkëmbyer pikëpamjet lidhur me zhvillimet në Kosovë dhe rajon, veçanërisht në kontekst të sigurisë dhe nevojës për stabilitet.
Derisa, Konjufca ka shprehur vlerësimin e tij se pasiguria në rajon ka dy burime, agresionin rus në Ukrainë dhe mospajtushmërinë e Serbisë me kufijtë e saj.
“Z. Frangeš shprehu qënedrimin e tij se Sllovenia, por edhe BE-ja duhet të njohin më shumë perspektivën se si palët, përkatësisht ajo e Kosovës, i shohin gjërat në mënyrë që kjo të reflektojë edhe në qasjen më adekuate të faktorit ndërkombëtar kundrejt zhvillimeve në raportet mes Kosovës dhe Serbisë, por edhe zhvillimeve politike në përgjithësi në rajonin tone”, thuhet në njoftimin e Kuvendit./teve1.info/
