Sulmuesi i Gjeorgjisë, Georges Mikautadze pritet të bëjë hapin e madh në karrierë gjatë kësaj vere.
Paraqitjet e tij të mira në “Euro 2024” kanë tërhequr vëmendjen e shumë skuadrave të mëdha të Evropës, të cilat tashmë kanë bërë ofertë për futbollistin e Metzit.
Mikautadze ishte ndër lojtarët kryesor të Gjeorgjisë që u eliminua në 1/8 e finales nga Spanja. Pas eliminimit nga Spanja, Mikautadze ka paralajmëruar largimin nga Metzi por nuk e ka zbuluar destinacionin e tij.
Ai tha se tashmë ka marrë oferta nga e gjithë Evropa pasi e dëshmoi veten në Kampionatin Evropian dhe se shpejti do ta marrë vendimin për të ardhmen e tij.
Mikautadze së bashku me Ivan Schranzin e Sllovakisë dhe Jamal Musialan e Gjermanisë, janë shënuesit më të mirë të Evropianit pasi kanë realizuar nga tre gola deri më tani.