Sulmuesit e Italisë në “Euro 2024”, Gianluca Scamacca, Giacomo Raspadori dhe Mateo Retegui kanë prodhuar vetëm një gjuajtje në portë deri më tani në turneun që po mbahet në Gjermani.
Kjo është dëshmia më e mirë se Italia po vazhdon të vuaj për sulmues pasi të tre lojtarët e ftuar nga Luciano Spalletti nuk kanë pasur fare ndikim në Evropian.
Gjuajtja e vetme në kornizën e portës erdhi nga Scamacca dhe atë në ndeshjen hapëse kundër Shqipërisë që u zhvillua në Dortmund dhe përfundoi me fitoren 2:1 të Italisë.
Scamacca ishte titullar në dy ndeshjet e para të fazës së grupeve më Shqipërinë dhe Spanjës por u la në stol me Kroacinë, duke lënë hapësirë për Reueguin dhe Raspadorin.
Scammaca ka luajtur 162 minuta në “Euro 2024”, Retegui ka 123 minuta kurse Rasp[adori ka regjistruar 83 minuta lojë deri më tani.
Italia do të përballet me Zvicrën në 1/8 e finales dhe kjo ndeshje luhet të shtunën në Berlin.
