Gjendja e rëndë e fshatit Kuk të Dragashit pas vërshimeve të mëdha e nxori në terren vet kryeministrin Kurti.
Ai bashkë me disa anëtarë të kabinetit ja mësyn rrugës së këtij fshatit për ti parë dëmet që lanë reshjet e shiut.
E këtu mori edhe një kërkesë nga kryetari i fshatit.
“Na kemi nevojë për një ndihmë urgjente jo me prit vendimin e Komisionit për riparimin e këtyre rrugëve sepse rrugët nuk presin”, tha Behxhet Xheladini.
Kryeministri nuk i premtoi zgjidhje të menjëhershme megjithatë u zotua se do ta trajtoj me prioritet çështjen.
“Duhet të ulem, edhe me ministrat përkatës edhe me komisionin vlerësues që sa me shpejte të bëjmë më shpejte, por nuk mund të them tash, se nuk jam ekspert i fushës se cilat janë prioritet me urgjente dhe sa shpejt mund të rregullohen ato”, tha kryeministri Kurti.
Nga krejt kjo fatkeqësi që ndodhi Kurti tha që është edhe një fat.
Në vend të ngjarjes dolën edhe ekipet e ujësjellësit.
“Bashkë me ekipen e emergjencës konkretisht me cisterne dhe ekipe e bllokimit te kanalizimi t jemi në dispozicion për të ndihmuar aq sa kemi mundësi me kapacitet njerëzore dhe teknike”, tha ushtruesi i detyrës së KRU “Hidrogjeni Jugor”, Fadil Berisha.
Vërshimet e së mërkurës, shkaktuan telashe në gjithsej shtatë fshatra të komunës së Dragashit.
