Deputeti i LDK-së, Driton Selmanaj në seancën e sotme të Kuvendit të Kosovës foli për sallën alternative në të cilën po zhvillohet kjo seancë.
Selmanaj u shpreh se kjo sallë është shfrytëzuar dy herë, njëherë për gazi lotsjellës dhe sipas tij, herën tjetër për t’ia vazhduar Listës Serbe mandatet.
“Në memoaret e historisë së parlamentarizmit tonë do të mbahet mend që dy herë kjo sallë është shfrytëzuar për të mbajtur seancë plenare, rasti i parë është për gazin lotsjellës dhe rasti i dytë është për t’ia vazhduar Listës Serbe mandatet sepse rrezikonin që t’i humbnin mandatet”, tha ai.
Deklarata e tij shkaktoi zhurmë në seancë.