Ka mbetur i lënduar një person në një aksident trafiku që ka ndodhur në Ferizaj.
Zëdhënësi i Policisë për rajonin e Ferizajt, Kanun Veseli ka thënë për tëvë 1.info se në aksident janë përfshirë dy vetura, njëra me targa vendore e tjetra me të huaja.
Veseli ka njoftuar po ashtu se përveç personit të lënduar ka pasur edhe dëme materiale nga të dyja palët.
“Me datën 27.06.2024 rreth orës 07:47 min kemi pranuar një informatë se në rrugën ” Ahmet Kaçiku ” tek nënkalimi në Ferizaj është një aksident komunikacioni, ku janë përfshirë dy vetura civile, njëra me targa vendore dhe tjetra me targa të huaja. Veç dëmeve të shkaktuara materiale në dy veturat, lëndime trupore ka pësuar një person, i cili është dërguar në Qendrën Emergjente në Ferizaj. Ndërsa janë shkaktuar dëme materiale edhe në shenjat vertikale të komunikacionit në rrugë”, ka thënë ai.
