Ish-futbollisti i mirënjohur, Robert Gjeraj do të vazhdoj me zejen e trajnerit pasi udhëhoqi me sukses ekipin U21 të Lirisë së Prizrenit në Superligën e kësaj gjenerate.
Prej sezonit 2024/25, Gjeraj do të jetë pjesë e shtabit teknik te Drenicës, ekip që do të garon në Ligën e Parë dhe synon rikthimin në elitën e futbollit kosovar.
Marrëveshja mes Gjerajt dhe Drenicës tashmë është arritur, ndërsa trajneri prizrenas do të zyrtarizohet ditëve në vijim.
Gjeraj do të jetë ndihmës i trajnerit Megzon Visoka, i cili mori drejtimin e ekipit javën e shkuar.
Gjeraj ka një bagazh të madh si lojtar në futbollin kosovar, ndërsa ka shijuar suksese të mëdha me ekipet që ka luajtur.
Krahas zejes së trajnerit, Gjeraj është i angazhuar edhe si analist në emisionin “VAR” e “Euro VAR” në Tëvë 1.
