Gjykata Themelore në Prishtinë, Departamenti Special ka shpallur fajtor Nenad Orlloviq për sulmin ndaj KFOR-it dhe Policisë së Kosovës në Zveçan të vitit të kaluar.
Ai është dënuar me 15 muaj burgim për sulm ndaj personit zyrtar dhe me gjobë 12 mijë euro për veprën pjesëmarrje në huliganizëm.
E avokati Ardian Bajraktari ka kritikuar Prokurorinë dhe Gjykatën për dënim të ulët në këtë rast, afër pragut miminal për akuzën e parë dhe me atë minimal për të dytën.
Ai ka thënë se dënimi për veprën sulm ndaj personit zyrtar është nga 1 deri në 10 vjet burgim.
“Sa i përket veprës penale sulm ndaj personit zyrtar kur kemi pasoja në persona që janë të përcaktuar në paragrafin 2 që hyjnë ndër të tjera person që merren me ruajtjen e rendit të sigurisë publike sikur që janë policët, zyrtarët korrektues, gjyqtaret , prokurorët… e kur kemi të bëjmë me pasoja, atëherë shkalla e ndëshkueshmërisë për këtë vepër penale është nga 1-10 vite, ndërsa gjykata sot ka konfirmuar se të njëjtin i ka konfirmuar dënim me burgim 15 muaj që nënkupton që është afër pragut minimal për këtë vepër penale”, ka thënë ai në emisionin “Ditari” në Tëvë 1.
Sipas tij, me këto dënime gjykatat nuk po e kryejnë detyrën e tyre që rastet e tilla mos të përsëritën.
